आज –२८ मंसिर २०८१ तपाइको राशिफलमा के लेखिएको छ?

मेषः आज जोश र उत्साहले भरपुर रहनुहुनेछ। व्यापार व्यवसायमा लाभ मिल्नेछ। नोकरीको खोजीमा हुनुहुन्थ्यो भने शुभ सूचना मिल्नेछ। परिवारमा स्वास्थसँग सम्बन्धित समस्या रहनेछ। आजको शुभ रंग हरियो हो भने शुभ अंक ५ रहेको छ।

वृषः आफन्तहरूको साथमा धार्मिकम वा सामाजिक कार्यक्रममा सहभागी हुन सक्नुहुनेछ। सांसारिक सुखमा धन खर्च हुनेछ। करियर वा कारोबारमा विशिष्ट व्यक्तिको सल्लाह लिएर नै अगाडि बढ्नुहोस्। आजको शुभ रंग खैरो हो भने शुभ अंक ७ रहेको छ।

मिथुनः कलात्मक वा रचनात्मक क्षमताको विकास हुनेछ। व्यापारमा लाभ मिल्नेछ। विगतका कमजोरीलाई सुधार्ने अवसर प्राप्त हुनेछ। श्रमको उचित मूल्य पाइनेछ। जीवनसाथीबाट उपहार पाइनेछ। आजको शुभ रंग बैजनी हो भने शुभ अंक ५ रहेको छ।

कर्कटः कार्यक्षेत्रमा रोकिएको काम सम्पादन हुनाले मन प्रसन्न रहनेछ। पारिवारिक व्यापारमा जीवनसाथीको सहयोगले लाभ मिल्नेछ। ऋण आदिको लागि समय उपयुक्त रहेको छ। स्वास्थ्यमा कफ जनित समस्या बढ्नेछ। आजको शुभ रंग निलो हो भने शुभ अंक ३ रहेको छ।

सिंहः कार्यक्षेत्रमा नयाँ कार्य हात लागि पर्नेछ। नोकरी वा पेशामा शत्रुहरू सक्रिय रहनेछन्। कार्यक्षेत्रमा थप जिम्मेवारी मिल्नेछ। सन्तान पक्षबाट शुभ सूचना मिल्नेछ। वैदेशिक शिक्षाको लागि बनाइएका योजनाहरू सफल रहनेछन्। आजको शुभ रंग केशरी हो भने शुभ अंक ५ रहेको छ।

कन्याः आर्थिक कारोबार सफल रहनेछ। विद्यार्थीहरूलाई शिक्षामा शिक्षकको सहयोग र साथ मिल्नेछ। अरूको कुरामा आएर लगानी लगाउनबाट बच्नुहोस्। आजको शुभ रंग हरियो हो भने शुभ अंक ६ रहेको छ।

तुलाः व्यापारमा थप लगानीबाट लाभ मिल्नुको साथै आयस्रोत बढ्नेछ। कार्यक्षेत्रमा निर्णय लिने क्षमतामा वृद्धि हुनेछ। परिवारसँग रमाइलो यात्रा हुनसक्छ। आजको शुभ रंग हल्का निलो हो भने शुभ अंक ६ रहेको छ।

वृश्चिकः आफन्तहरूसँग रमाइलो भेटघाटले मन प्रसन्न रहनेछ। व्यवसायका लागि गरिएको यात्राबाट लाभ मिल्नेछ। संगीत र कलामा रुचि बढ्नेछ। नोकरी वा पेशामा प्रतिद्वन्दीहरू हार खानेछन्। आजको शुभ रंग रातो हो भने शुभ अंक ९ रहेको छ।

धनुः नोकरी वा पेशामा उच्च अधिकारीको मार्गदर्शन वा सहयोग मिल्नेछ। व्यापार व्यवसायको विस्तारको लागि नयाँ योजनाहरू बन्नेछन्। शुभचिन्तकहरूको सहयोग र सद्भाव मिल्नाले आँटेको कार्य सम्पादन हुनेछ। धर्म कर्ममा मन लाग्नेछ। आजको शुभ रंग पहेलो हो भने शुभ अंक ४ रहेको छ।

मकरः कार्यक्षेत्रमा सकारात्मक परिणाम मिल्नेछ। पुरानो मित्रसँगको भेटघाटले पुरानो समयको सम्झना हुनेछ। वाणीमा नियन्त्रण राख्नुहोला। स्वास्थ्यमा समस्या आउनेछ। आजको शुभ रंग खैरो हो भने शुभ अंक ८ रहेको छ।

कुम्भः विदेशमा काम गर्नेहरूलाई शुभ सूचना मिल्नेछ। अविवाहितहरूलाई विवाहको प्रस्ताव मिल्नेछ। घरपरिवारसँग आनन्दको समय बित्नेछ। स्वादिष्ट भोजनको आनन्द मिल्ला। आजको शुभ रंग गुलाबी हो भने शुभ अंक ९ रहेको छ।

मीनः नोकरी वा पेशामा जिम्मेवारी बढ्नेछ। परिवारमा कुनै कुरालाई लिएर मनमुटाव चलिरहेको छ भने आज सुल्झाउने प्रयास गर्नुहोस्। जीवनसाथी सरकारी क्षेत्रमा हुनुहुन्छ भने पदोन्नतिको योग छ। आजको शुभ रंग पहेलो हो भने शुभ अंक २ रहेको छ।