कैलालीमा संक्रमितलाई पौष्टिक खाजा खुवाउँदै थ्रीडीभीएल क्रियसन

धनगढीः थ्रिडिभिएल क्रियसनका युवाहरुले गोदावरी नगरपालिकाका अस्पतालहरुमा उपचाररत बिरामीहरुलाई पौष्टिक खाजा खुवाउने अभियान सुरु गरेका छन्।

गोदावरी नगरपालिका ३ मा रहेको मालाखेती अस्पतालमा रहेका सुदूरपश्चिम सामुदायिक अस्पताल र पदमा अस्पतालमा उपचाररत कोरोना संक्रमितहरुका लागि पौष्टिक खाजा खुवाउने अभियान सुरु गरेका हुन ।

अभियानको पहिलो दिन शनिबार मालाखेती अस्पताल, पदमा अस्पतालमा उपचाररत ९/९ जना र सामुदायीक अस्पतालमा उपचाररत ४ जना संक्रमित बिरामीलाई पौष्टिक खाजा वितरण गरिएको थ्रिडिभिएल क्रियसनका अध्यक्ष दिपक ओझाले बताए।

उनले कोरोना संक्रमितको रोग प्रतिरोधात्मक क्षमता बढाउने उद्देश्यले अस्पतालहरुमा उपचाररत कोरोना संक्रमित विरामीलाई खाजा वितरण गरिएको बताए।