धनगढीको भन्सार रोडबाट बालक बेपत्ता, खोजी दिन आमाको गुहार
धनगढीः धनगढीको भन्सार रोडबाट एक बालक हराएका छन्।
बाजुरा स्थायी घर भई हाल परिवारसँगै धनगढीस्थित भन्सार रोडमा बस्दै आएका १२ वर्षीय आदर्श बिष्ट आइतबार बेलुका ५ बजेदेखि बेपत्ता भएका हुन्।
बेपत्ता भएका बालककी आमा सीता बिष्टले स्कूल ब्याग र एक जोड कपडासहित छोरा हराएको बताइन्। उनले छोराको खोजीका लागि जिल्ला प्रहरी कार्यालय कैलालीमा निवेदनसमेत दिएकी छन्।
उनले आफ्नो छोरालाई कसैले भेटाएमा मोबाइल नम्बर ९८४८५४६०६० र ९८४२१८२६२३ वा नजिकको प्रहरी कार्यालयमा सम्पर्क गर्न अनुरोध गरेकी छन्।