हिमाल आरोहण गरेर फर्किने क्रममा लडेर विदेशी नागरिकको मृत्यु

आइलम्पिक पिक आरोहण गरेर फर्कने क्रममा लडेर एक विदेशि नागरिकको मृत्यु भएको छ। शुक्रबार पिक आरोहण गरी फर्कने क्रममा सोलुखुम्बुको खुम्बुपासाङ ल्हामु गाउँपालिका वडा नम्बर ४ मा शुक्रबार ३५ वर्षीय आन्ड्रेस ब्याक पेडर्सनको मृत्यु भएको प्रहरीले जनाएको छ। प्रहरीका अनुसार पेडर्सन झण्डै २ सय मिटर तल खसेपछि घटनास्थलमै मृत्यु भएको हो।

कानुनी प्रक्रिया पुरा गरी शवलाई सिम्रिक एयरलाइन्सको हेलिकप्टरबाट काठमाण्डौको त्रिवि शिक्षण अस्पताल पठाइएको प्रहरीले जनाएको छ। मृतक पेडर्सनसहित ११ जनाको समूह फुटलोज इन द हिमालयन प्रालिमार्फत हिमाल आरोहणका लागि खुम्बु आएका जनाइएको छ।