कुशल र दीपेन्द्र युएई प्रस्थान
२०८१ पुष २६, १२:५०
काठमाडौंः नेपाली राष्ट्रिय क्रिकेट टिमका अलराउण्डरद्वय कुशल मल्ल र दीपेन्द्रसिंह ऐरी युएईमा आयोजना हुने अन्तर्राष्ट्रिय टि ट्वान्टी लिग (आईएल टि ट्वान्टी)मा सहभागी हुन त्यसतर्फ प्रस्थान गरेका छन्।
कुशल र दीपेन्द्र शुक्रवार बिहान १० बजे युएई प्रस्थान गरेका हुन्। आईएल टि ट्वान्टीमा कुशल डेजर्ट भाईपर्समा अनुबन्ध हुँदा दीपेन्द्रलाई भने गल्फ जायन्ट्सले अनुबन्ध गरेको थियो। शनिवारबाट हुने लिगमा कुशलको टोलीको पहिलो खेल आइतवार अबुधाबी नाइट राईटर्ससँग रहेको छ।
दीपेन्द्रआबद्ध टोलीको पहिलो खेल पनि आइतवार नै सारजहा वारियर्ससँग रहेको छ। कुशलले यो लिगमा पहिलो पटक सहभागिता जनाउँन लागेका हुन्। दीपेन्द्र गत संस्करण पनि यस लिगमा अनुबन्ध भएका थिए। तर, दीपेन्द्रले कुनै खेलमा खेल्ने मौका पाएनन्।
कमेन्ट लोड गर्नुस