अछाम र बैतडीको एक-एक घरमा आगलागी, एक महिला घाइते

धनगढीः अछाम र बैतडीको एक-एक घरमा आगलागी भएको छ। अछामको बान्निगढ जयगढ गाउँपालिका-३ को एक घरमा आगलागी भएको छ।

जिल्लाको बान्निगढ जयगढ गाउँपालिका-३ बसौतीको एक घरमा खाना पकाउने क्रममा चुल्होबाट आगो शरिरमा सल्किएर एक ५६ वर्षीया महिला घाईते भएकी छिन्। घाइते महिलाको न्याय हेल्थ अस्पताल बयलपातामा उपचार भइरहेको जिल्ला प्रहरी कार्यालय अछामले जनाएको छ।

यस्तै बैतडीको सुर्नाया गाउँपालिका-७ पत्थरकोटको एक घरमा आगलागी भएको छ। घरमा बिजुलिको तार सर्ट भएर आगलागी हुँदा १ लाख बराबरको धनमाल जलेर नष्ट भएको जिल्ला प्रहरी कार्यालय बैतडीले जनाएको छ।