दोस्रो सातामा पनि ‘परदेशी २’ लाई दर्शकको साथ उस्तै

काठमाडौंः  गत असोज २६ गतेबाट प्रदर्शनमा आएको चलचित्र ‘परदेशी २’ को प्रदर्शनको १३औं दिन पनि राम्रो शो संख्या र दर्शक अकुपेन्सीसहित दर्शकको साथ पाएको छ। पहिलो र दोस्रो साताको विकेन्डमा जस्तै आज बुधबार धेरै शो हाउसफूल छन्। पहिलो हप्ता बक्स अफिसमा राम्रो व्यापार गरेको दाबी चलचित्र निर्माण टीमको छ।

चलचित्र हेरेर निस्किएका दर्शकको आँखा रसाएका दृश्य समाजिक सञ्जालमा छ्यापछ्याप्ती भेटिनुले चलचित्रले मन छोएको सजिलै आँकलन गर्न सकिने निर्माण टीमको दाबी छ। डेब्यू अभिनेता प्रकाश सपूत, अभिनेत्री केकी अधिकारी, वर्षा सिवाकोटीले प्रमुख सहर काठमाडौं, नारायणगढ, बुटवल,नेपालगञ्ज लगाएतका ठाउँमा पुगेर दर्शकसँग खुसी साटैका छन्।