इलाम–२ बाट उपचुनाव लड्ने एलिजाको घोषणा

काठमाडौँः  अभिनेत्री एलिजा गौतमले इलाम–२ बाट उपनिर्वाचन लड्ने घोषणा गरेकी छन्।

एमालेका उपाध्यक्ष सुवास नेम्वाङको असामयिक निधनपछि उक्त क्षेत्रको सांसद पद रिक्त छ। उनले आफू इलाम–२ बाट उपनिर्वाचनमा उम्मेदवार बन्ने निश्चित भएको, तर कुन पार्टीबाट उठ्ने निश्चित नभएको बताएकी छन्।

एलिजाले केही समयअघि मात्रै नागरिक उन्मुक्ति पार्टी परित्याग गरेकी थिइन्। ‘कुराकानी धेरैसँग भएको छ,’ उनले भनिन्, ‘म राम्रै पार्टीबाट उम्मेदवार बन्नेछु।’ पत्रकार ऋषि धमलाकी पत्नीसमेत रहेकी गौतमले आफ्नै निर्माणमा बनेको चलचित्र अनुराग र केही म्युजिक भिडियोमा अभिनय गरेकी छन्।