चलचित्र ‘ऐंचो पैंचो’ को ट्रेलर सार्वजनिक
काठमाडौँः नेपाली कथानक चलचित्र ‘ऐंचो पैंचो’को ट्रेलर सार्वजनिक गरिएको छ।
सोमवार राजधानीमा एक कार्यक्रमकाबीच सार्वजनिक गरिएको ट्रेलर राजनीतिक कथामा केन्द्रित छ। अभिनेत्री स्वस्तिमा ट्रेलरमा भोटका लागि हात जोड्दै पर्चा बाँडिरहेको देखिएकी छिन्। ट्रेलरमा अन्तिममा उनको संवाद छ, ‘यसको पोलिटिकल करिअर त म यस्तो ध्वस्त बनाइदिन्छु नि।’ यो संवादले उनी चुनावी मैदानमा उत्रिनुको केही कारण रहेको संकेत गर्छ।
त्यस्तै, अभिनेता मुकुन भुषालको एउटा संवादले युवाहरूको वैदेशिक रोजगारीको वाध्यतालाई समेत फिल्मले उठान गरेको बुझ्न सकिन्छ। प्रितम लामिछाने र आध्या लामिछाने फिल्मको निर्माता हुन्। भदौंको १४ गतेबाट फिल्म देशव्यापी प्रदर्शनमा आउँदैछ।