एकीकृत समाजवादीको महाधिवेशन असारमा हुने
२०८१ वैशाख ५, ०७:५६
काठमाडौँः नेकपा (एकीकृत समाजवादी) ले जेठमा गर्ने भनिएको पार्टीको १० औं महाधिवेशन एक महिना पर सार्ने निर्णय गरेको छ।
पार्टी कार्यालय आलोकनगरमा बुधवार बसेको सचिवालय बैठकले जेठ ३ देखि ७ गतेसम्म हुने भनिएको महाधिवेशन असार १६ देखि २० गते काठमाडौँमा गर्ने निर्णय गरेको हो।
आन्तरिक तयारी नपुगेको र संगठनको तलबाट माग भएबमोजिम केन्द्रले विश्लेषण गरि महाधिवेशन केही समय सार्ने निर्णय गरेको प्रवक्ता जगन्नाथ खतिवडाले बताए।
कमेन्ट लोड गर्नुस