बाजुरामा छाउगोठमा आगो लाग्दा एकै घरका तीन जनाको मृत्यु

बाजुराको बुढीनन्दा नगरपालिका– ९ मा एक छाउगोठमा आगलागी हुँदा एकै घरका तीन जनाको मृत्यु भएको छ । वडाको अंगाउपानी स्थित भुगेचौरमा छाउगोठमा आगलागी भएर उनीहरुको घटनास्थलमै मृत्यु भएको हो । महिनावारी भएर छाउगोठमा सुतिरहेको अवस्थामा ३५ बर्षीया अम्वा बोहोरा सहित उनीसँग रहेका उनका १२ वर्षीय छोरा सुरेश बोहोरा र ९ वर्षीय  छोरा रमित बोहोराको मृत्यु भएको जिल्ला प्रहरी कार्यालय बाजुराले जनाएको छ । उनीहरु तीनै जनाको निसासिएर मृत्यु भएको हो । आज विहान आगलागीबाट मृत अवस्थामा फेला परेका थिए । घटनाको विस्तृत विवरण आउन बाँकी रहेको छ ।