एन्फा महिला लिगमा पुलिससँग कोशी प्रदेश पराजित

काठमाडौंः एन्फा महिला लिगअन्तर्गत बुधवार भएको खेलमा विभागीय टोली नेपाल पुलिस क्लबले कोशी प्रदेशलाई पराजित गरेको छ।

जितसँगै पुलिस क्लब लिगको शीर्ष स्थानमा उक्लिएको छ। ललितपुरको सातदोबाटोस्थित एन्फा कम्प्लेक्समा आज भएको खेलमा पुलिसले कोशी प्रदेशलाई ४–० गोलअन्तरले पराजित गरेको हो।

शीर्ष स्थानमा उक्लिएको पुलिसले चार खेलबाट १० अङ्क जोडेको छ। प्रतियोगितामा पहिलो हार बेहोरेको कोशी नौ अङ्क जोड्दै दोस्रो स्थानमा छ।