मिस युनिभर्स २०२३ विजेता पालासियोस नेपालमा

काठमाडौंः नेपालको इतिहासमा पहिलो पटक मिस युनिभर्स विजेताले भ्रमण गर्दै छिन्।

मिस युनिभर्स नेपाल २०२४ मा अतिथिका रूपमा मिस युनिभर्स २०२३ शेनिस पालासियोस नेपाल आएकी हुन्।

यस ऐतिहासिक क्षण नेपालको सौन्दर्य प्रतियोगिताको लागि एक महत्वपूर्ण कोसेढुंगा रहेको आयोजकको दाबी छ। शेनिस मिस युनिभर्स नेपाल २०२४ को प्रि–जजमेन्ट राउन्डसम्म रहने आयोजकले जनाएको छ। उहाँको भ्रमण नेपालको सौन्दर्य प्रतियोगिताको लागि एक ऐतिहासिक उपलब्धि हो।

मिस युनिभर्स २०२३ शेनिस पालासियोसले आफ्नो उत्साह व्यक्त गर्दै भनिन्, ‘पहिलो पटक नेपाल भ्रमण गर्न पाउँदा म निकै उत्साहित छु। मिस युनिभर्सका रूपमा मैले नेपाली महिलाहरूलाई सशक्त बनाउने र यहाँको विविधतालाई पनि संगाल्ने अवसर पाएको छु।