जापानमा समर कप फुटसल हुने 

काठमाडौंः जापानको फुकुओकामा आठौं समर कप २०२४ फुटसल प्रतियोगिता यसै महिना आयोजना हुने भएको छ। नेपाली समुदायको श्री गणेश खुकुरी एफसीको आयोजनामा भदौ २२ गते प्रतियोगिता हुने आयोजक संस्थाका प्रदीप राईले जानकारी दिए।

प्रतियोगिता डिनोज क्लबमा हुनेछ। विजेताले उपाधिसहित ५ लाख ११ हजार १ सय ११ जापानिज यान र दोस्रो हुने टोलीले २ लाख ११ हजार १ सय ११ यान प्राप्त गर्नेछ। आयोजकले भदौ ९ गते सम्म ४४ हजार ४ सय ४४ यान बुझाएर सहभागिताका लागि टोलीको नाम दर्ता गर्न सकिने जनाएको छ।