चलचित्र ‘छक्कापञ्जा ५’को पहिलो सार्वजनिक
काठमाडौंः यसवर्षको प्रतीक्षित फिल्म ‘छक्कापञ्जा ५’को पहिलो गीत ‘बिहे भाको छैन’ सार्वजनिक भएको छ।
आइतवार ओएसआर युट्यव च्यानलबाट रोमान्टिक गीत रिलिज भएको हो। दीपक शर्माद्वारा संगीतबद्ध डान्सिङ ट्रयाकमा सविन सुवेदी र बेनिशा पौडेलको स्वर समावेश छ।
गीतमा फिल्मका दुई शीर्ष कलाकार दीपकराज गिरी र वर्षा सिवाकोटी फिचर्ड छन्। संगीतकार शर्माले लोकलयमा आधारित यो गीतलाई छमछमी नाच्न मिल्ने शैलीमा तयार पारेका छन्। नृत्य निर्देशक सुनिल क्षेत्रीले कलाकार र गीतको मुडअनुसार भिन्न सेट र कथानुसारको कम्पोज गरेका छन्।
गीतको सुरु र अन्त्यमा अर्का मुख्य कलाकार केदार घिमिरे ‘माग्ने बुढा’को न्यारेसन समावेश छ। यो फिल्म दसैं फूलपातिको छेकोमा असोज २४ मा रिलिज हुँदैछ। दीपाश्री निरौला निर्देशित फिल्म आमा सरस्वती मूभिज र आइएमइको ब्यानरमा निर्माण भएको हो। माग्ने बुढा र निर्मल शर्मा कार्यकारी निर्माताको रुपमा छन्।
