गौरी भट्ट र शेरबहादुरको ‘देउडा झमाझम’ बजारमा

धनगढी : देउडा गायिका गौरी भट्ट र शेर बहादुर बोहराको ‘देउडा झमाझम’ नामक देउडा गीत सार्वजनिक भएको छ। गायिका भट्ट र बोहराको स्वरमा रेहेको गीत सौगात ओझाको युट्युब च्यानल मार्फत सार्वजनिक भएको हो।

मौलिक पन झल्कने देउडा गीतको गायक स्वयम् शेर बोहरा र रेखा देवी बोहराको लय, शब्द रहेको भने उक्त गीतको सङ्गीत सृजना भूमिराज थापाले गरेका छन।

रमेश बिजुली बिसीको निर्देशनमा रहेको उक्त देउडा गीतमा झरना बोहरा, शेर बहादुर बोहरा, अनु खण्डा, सौगात ओझा र शारदा बोहराले अभिनय गरेका छन। सुदूरपश्चिमको ठट्यौली पन सँगै मौलिक पन झल्कने गरी देउडा गीत बजारमा आएको हो।