चलचित्र ‘पर्खी बसेँ तिमीलाई’ को ट्रेलर सार्वजनिक
काठमाडौँः चलचित्र ‘पर्खी बसेँ तिमीलाई’ को ट्रेलर सार्वजनिक गरिएको छ। पुस २७ गते प्रदर्शन तय गरिएको फिल्म राजाराम बुढाथोकीले निर्माण गरेका हुन् भने यसबाट अभिनेता किरण श्रेष्ठसँगै अभिनेत्रीद्वय रक्षा बुढाथोकी र अनिशा रसाइलीले डेब्यु गर्दैछन्।
निर्माता बुढाथोकीले भने,‘यसमा प्रेमसँगै पारिवारिक द्वन्द्वको मिश्रण छ। यो मनोरञ्जनात्मक चलचित्र बनेको छ। स–परिवार हेरेर मनोरञ्जन लिन सक्नु हुनेछ। रोमन फिल्म र तपश्री फिल्म्स (सिक्किम) को संयुक्त व्यानरमा निर्माण गरिएको फिल्ममा अनिशा रसाइली, शिव श्रेष्ठ, विल्सन विक्रम राई, सुनिता श्रेष्ठ लगायतका कलाकारले अभिनय गरेका छन्।
यसमा राजाराम बुढाथोकीको निर्माण, कोमल गुरुङको सह निर्माण, परिच्छेद सेन, मौनता श्रेष्ठ र पुरुषोत्तम ढुंगेलको लेखन, संकल्प भुजेलको छायांकन, शम्भुजित बाँस्कोटा, दीपक शर्मा, महेश खड्का र बाबुल गिरीको सङ्गीत, भुपेन्द्र अधिकारीको सम्पादन, मनोरञ्जन श्रेष्ठको कलर करेक्सन, रामजी लामिछाने र निशा रसाइलीको नृत्य निर्देशन रहेको छ।
