प्रताप दासको स्वर रहेको गीत ‘प्रेमरोगी’ सार्वजनिक

काठमाडौंः गायक प्रताप दासको स्वर रहेको गीत ‘प्रेमरोगी’को भिडियो सार्वजनिक भएको छ।

गीतमा हिराकाजी थापाको शब्द, नगेन्द्र श्रेष्ठको संगीत, साहस शाक्यको एरेन्ज र चन्द्र चौधरीको मिक्सिङ र मास्टरिङ छ। भिडियोमा सागर खनाल, प्रतीक्षा भण्डारी र दिनेश खड्का फिचर्ड छन् । प्रेमभावको गीतमा सागर र प्रतीक्षाको बाल्यकालीन प्रेमदेखि युवावस्थाको प्रेम देखाइएको छ। भिडियोमा विन्दुप्रसाद अधिकारी र सुस्मिता रिजालको पनि अभिनय छ।

हिराकाजी थापाको निर्देशन रहेको भिडियोमा नवीन निरौलाको सम्पादन र कलर, प्रयास मगरको कोरियोग्राफी, देव दोर्जे लामाको छायाङ्कन छ।