कस्तो छ आजको मौसम ?

काठमाडौँ: हाल देशमा उल्लेखनीय मौसमी प्रणाली छैन। देशका पहाडी  भू–भागका थोरै स्थानहरूमा आंशिक बदली र बाँकी भू–भागमा मौसम सामान्यतया सफा रहेको मौसम पूर्वानुमान महाशाखाले जनाएको छ।

दिउँसो प्रदेश नं १ र गण्डकी प्रदेशका पहाडी भू–भागमा आंशिक बदली र बाँकी  भू–भागमा मौसम सामान्यतया सफारहने जनाएको छ। यस्तै राती प्रदेश नं १, गण्डकी प्रदेश र कर्णाली प्रदेशका पहाडी भू–भागमा आंशिक बदली र बाँकी स्थानहरुमा मौसम सामान्यतया सफारहने विभागले जनाएको छ।