श्रीमतीको हत्या गरेको आरोपमा एक जना पक्राउ

बाराः श्रीमतीको हत्या गरेको आरोपमा एक जना पक्राउ परेका छन्। आफ्नै श्रीमती २५ वर्षीया सहनाज खातुनको हत्या गरेको अभियोगमा महागढीमाई नगरपालिका ३ गंजभवानीपुर बस्ने २७ वर्षीय सैमोदिन अंसारीलाई बिहीबार प्रहरीले पक्राउ गरेको हो। 

सहनाजको आफ्नै घरमा बिहीबार शंकास्पद मृत्यु भएको प्ररहीले बताएको छ। अनुसन्धान गर्ने क्रममा सैमोदिनले श्रीमतीको हत्या गरेको खुल्न आएपश्चात उनलाई पक्राउ गरेको प्र्रहरीले बताएको छ। साथै सोही घटनामा संलग्न उनकै भाउजु अप्सना खातुन समेतलाई प्रहरीले पक्राउ गरेको छ।

उनीहरु उपर कर्तव्य ज्यान मुद्दामा जिल्ला अदालत बाराबाट ७ दिन म्याद थप गरी आवश्यक अनुसन्धान भइरहेको छ।