शुक्रबार कैलालीमा निषेधाज्ञा उल्लंघन गर्ने ११०१ सवारी साधन नियन्त्रणमा
२०७८ वैशाख १७, ०६:४२
धनगढीः कैलालीमा निषेधाज्ञा जारी भएको दोस्रो दिनपनि ट्राफिक प्रहरीले कडाई गरेको छ। दोस्रो दिन शुक्रबार निषेधाज्ञा उल्लंघन गर्ने १ हजार १ सय १ सवारी साधनलाई नियन्त्रणमा लिइएको हो।
बिहान ६ देखि साँझ ६ बजेसम्म निषेधाज्ञा उल्लंघन गर्ने ११०१ सवारी साधनलाई नियन्त्रणमा लिएको र ती मध्ये १० सवारी धनीलाई कारबाही गरेको जिल्ला ट्राफिक प्रहरी कार्यालय कैलालीका प्रमुख तथा प्रहरी निरीक्षक बिरेन्द्रबहादुर बोहराले बताए।
उनले सवारी साधनमाथि कारवाही गरेर ५ हजार ५ सय राजस्व संकलन भएको बताए।
निषेधाज्ञा उल्लंघन गरे संक्रामक रोग ऐन, २०२० अनुसार आदेश पालना नगरेमा एक महिनासम्म कैद वा एक सय रुपैयाँसम्म जरिवाना अथवा दुवै सजाय हुन सक्ने व्यवस्था रहेको छ।
कमेन्ट लोड गर्नुस