धनगढीमा शनिवार थपिए ६ कोरोना संक्रमित
धनगढी– शनिवार कैलालीका ११ जनामा कोरोना संक्रमण पुष्टि भएको छ। सेती प्रादेशिक अस्पतालको प्रयोगशालामा भएको परीक्षणमा ११ जनामा संक्रमण पुष्टि भएको हो।
११ जना मध्ये धनगढी उप–महानगरपालिकाका ६ जना छन्। धनगढी उप–महानगरपालिका वडा नम्वर १ का तीन जना, वडा नम्वर ८ का दुई जना र वडा नम्वर २ का एक जनामा संक्रमण पुष्टि भएको हो।
यस्तै गोदावरी नगरपालिकाका चार जनामा संक्रमण पुष्टि भएको छ। उनीहरु सबै वडा नम्वर १२ का हुन्।
जानकी गाउँपालिका वडा नम्वर ६ का एक जनामा पनि संक्रमण पुष्टि भएको सूचना अधिकारी दिलिप कुमार श्रेष्ठले जानकारी दिए। योसंगै कैलालीमा संक्रमितको संख्या दुई हजार एक सय २४ पुगेको छ।