साढे ५ हजार एम्पुल लागूऔषधसहित ७ जना पक्राउ
साढे ५ हजार एम्पुल लागूऔषधसहित प्रहरीले ७ जनालाई पक्राउ गरेको छ। काठमाडौंको शान्तिनगर र गोकर्णेश्वरबाट लागूऔषध नियन्त्रण ब्यूरोको टोलीले ५ हजार ५२६ एम्पुल नियन्त्रित मनोद्विप पदार्थसहित उनीहरुलाई पक्राउ गरेको हो।
भारतको ग्रीन पेलेस डुमरवाना –२० बैरगनीयाका ३७ वर्षीय राजा कुणा, बेल बैरगनीया–२० का ३२ वर्षीय राजेशकुमार जयसवाल र अशोगी–४ पुरुषोत्तमपुर का ३७ वर्षीय अभिषेककुमार जयसवाललाई बुधबार काठमाडौं महानगरपालिका –३१ शान्तिनगरबाट भारतीय नम्बर प्लेटको बीआर ३० ८६०७ नम्बरको स्कारपियो गाडीसहित ब्युरोको टोलीले पक्राउ गरेको जनाइएको छ।
उनीहरुको साथबाट चामल र पिठोमा लुकाइ राखेको १०४७ एम्पुल डाइजेपाम, १०३७ एम्पुल नुफिर्न र १०४२ एम्पुल फेनार्गन गरी ३१२६ एम्पुल मनोद्विपक पदार्थ बरामद गरेको छ। पक्राउ परेका सातैजनालाई लागूऔषध नियन्त्रण ऐन, ०३३ बमोजिम मुद्दा दर्ता गरी अनुसन्धान सुरु गरिसकेको ब्यूरोले जनाएको छ।
