कृष्णपुरमा राष्ट्रपति रनिङ्गशिल्ड प्रतियोगिता हुँदै

कञ्चनपुरः कञ्चनपुरको कृष्णपुरमा राष्ट्रपति रनिङ्गशिल्ड प्रतियोगिता हुने भएको छ। कृष्णपुर नगरपालिकामा भोलि (पुस २३ गते)देखि राष्ट्रपति रनिङ्गशिल्ड प्रतियोगिता सुरु हुने भएको हो।

कृष्णपुर नगरपालिका–२ वाणीस्थित सरस्वती माध्यमिक विद्यालयको प्राङ्गणमा हुने प्रतियोगिताको सम्पुर्ण तयारी पुरा भएको नगरपालिकाले जनाएको छ। प्रतियोगितामा नगरभरिका २६ विद्यालयहरूको सहभागिता रहने जनाएको छ। प्रतियोगिताको सुदूरपश्चिम प्रदेश सरकारका आर्थिक मामिला मन्त्री बहादुर सिंह थापाको प्रमुख आतिथ्यतामा उद्घाटन हुने जनाइएको छ।