बालगायक सचिन परियारको निधन

काठमाडौँः बालगायक सचिन परियारको निधन भएको छ। महाराजगञ्जस्थित टिचिङ अस्पतालमा उपचारको क्रममा उनको बिहिवार बिहान निधन भएको हो। अस्पताल स्रोतले सचिनको बिहान १० बजे निधन भएको जानकारी दिएको हो।

भाइरल बालगायकका रुपमा परिचित सचिनले थुप्रै गीत गाएका छन्, भने अभिनेता राजेश हमालसँग एक म्युजिक भिडियो अभिनय गरेका छन्। हास्य श्रृखला ‘मेरी बास्सै’मा पनि अभिनय गरेका उनको ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’लगायत गीत चर्चित छन्।