अपी सहकारीको वार्षिकोत्सवमा सरसफाइ अभियानकर्ता खड्का सम्मानित

धनगढी: अपी बहुद्देश्यीय सहकारी संस्था धनगढीले सरसफाइ अभियानकर्ता लोकबहादुर खड्कालाई सम्मानित गरेको छ। सहकारीको चौथो वार्षिकोत्सवको अवसरमा खड्कालाई सम्मान गरिएको हो।

धनगढी-५ जाई घर भएका खड्काले सामुदायिक सरसफाइमा योगदान दिएको भन्दै सहकारीले दोसल्ला र सम्मान पत्र प्रदान गरेर सम्मानित गरेको हो।

शनिवार धनगढीमा बसेको साधारण सभा सहकारीका अध्यक्ष तिलकचन्द खतिवडाको अध्यक्षता तथा वडा नम्बर ४ का अध्यक्ष बुद्धिबहादुर खड्काको प्रमुख आतिथ्यतामा सम्पन्न भएको हो। कार्यक्रममा सहकारीका पूर्व अध्यक्षसहित विभिन्न व्यक्तिहरूलाई समेत सम्मानित गरिएको थियो।