काभा नेसन्स महिला भलिबलमा नेपाल भारतसँग पराजित

काठमाडौँः काभा नेसन्स महिला भलिबलमा नेपाल भारतसँग पराजित भएको छ।

२÷२ सेटको बराबरीपछि अन्तिम सेटमा नेपाल भारतसँग पराजित भएको हो। त्रिपुरेश्वरस्थित दशरथ रंगशालाको कभर्ड हलमा बुधवार साँझ भएको खेलमा नेपाल ३–२ ले पराजित भएको हो।

पहिलो सेट २५–२३ जित्दा दोस्रो सेट २५–१४ ले गुमाउन पुग्यो। तेस्रो सेटमा नेपालले २५–२२ ले जित्यो। चौथो सेट नेपालले २५–२१ हार्न पुग्यो। १५ को अन्तिम सेटमा नेपालले भारतलाई गतिलो चुनौती दिन नसक्दा नेपाल सहजै पराजित हुन पुग्यो। अन्तिम सेटमा नेपाल १५–५ ले पराजित भयोे।