काभा महिला भलिबलको फाइनलको तेस्रो सेटमा भारतसँग नेपाल विजयी

काठमाडौँः नेपाल जारी काभा महिला भलिबल नेसन्स लिगको फाइनलमा भारतसँग तेस्रो सेटमा विजयी भएको छ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा ५ बजेदेखि शुरु भएको खेलको पहिलो सेटमा २५–२३ को विजयी सुरुवात गरेको नेपाल दोस्रो सेटमा भने २५–१४ अङ्कले हार व्यहोरेको थियो।

मंगलवार सम्पन्न सेमिफाइनल खेलमा नेपालले इरानलाई सोझो सेटमा ३–० ले पराजित गरेको थियो। त्यस्तै पहिलो सेमिफाइनलमा भारतले श्रीलंकालाई ३–० ले पराजित गरेको थियो। लिग चरणमा नेपालले भारतलाई पराजित गरिसकेको हुनाले आज फाइनलमा नेपाल उच्च मनोबलका साथ खेल्दै छ।

खेल जारी छ। खेल निकै प्रतिस्पर्धात्मक छ। तेस्रो चरणमा नेपाल भारतसँग २५–२२ ले विजयी भएको हो। खेल जारी छ। जारी सेटमा नेपालले जित हात पारे नेपाल प्रतियोगिताको च्याम्पियन बन्ने छ।