निर्देशक निकेश र अन्विशा खड्गी विवाह बन्धनमा

काठमाडौंः फिल्म तथा म्युजिक भिडियो निर्देशक निकेश खड्का वैवाहिक जीवनमा बाँधिएका छन्। उनले मंगलवार काठमाडौं बत्तीसपुतलीस्थित राम मन्दिरमा प्रेमिका अन्विशा खड्गीसँग विवाह गरेका हुन्। उनीहरुले एक वर्षदेखिको प्रेम सम्बन्धलाई विवाहमा परिणत गरेका हुन्।

अन्विशा विद्यार्थी हुन्, उनी फिल्म अध्ययन गरिरहेकी छन्। निकेश फिल्मका साथै म्युजिक भिडियोमा व्यस्त छन्। उनी अहिलेका व्यस्त म्युजिक भिडियो निर्देशकमा पर्छन्। उनले निर्देशन गरेको पहिलो फिचर फिल्म ‘जिन्दगी रक्स’ हो। त्यसपछि ‘फाटेको जुत्ता’ निर्देशन गरेका उनको पछिल्लो फिल्म ‘चपलीहाइट ३’ हो।