बैतडीमा सर्पको टोकाइबाट एक जना घाइते
२०८० असोज २०, ०३:४५
बैतडीः बैतडीमा सर्पको टोकाइबाट एक जना पुरुष घाइते भएका छन्।
जिल्लाको मेलौली नगरपालिका–६ पोखरीका ४२ वर्षीय शंकर पोखरेल सर्पले टोक्दा घाइते भएका हुन्। आफ्नै घर नजिकैको बारीमा खुर्सानी टिपीरहेका बेला पोखरेललाई आज दिउँसो सर्पले टोकेको जिल्ला प्रहरी कार्यालय बैतडीका प्रवक्ता प्रहरी निरीक्षक योगेश खत्रीले बताए।
प्रवक्ता प्रहरी निरीक्षक खत्रीका अनुसार उनको बाँया खुट्टामा सर्पले टोकेको हो। सर्पको टोकाइबाट घाइते भएका पोखरेललाई उपचारका लागि डडेल्धुरा अस्पताल लगिएको छ। शुक्रवार मात्रै दशरथचन्द नगरपालिका–२ देहीमाण्डौंकी एक महिलालाई सर्पले टोकेको थियो।
कमेन्ट लोड गर्नुस