दार्चुलाका एक वडा सचिव बैतडीमा मृत फेला

दार्चुलाः दार्चुलाका एक वडा सचिव बैतडीमा मृत अवस्थामा फेला परेका छन्।

जिल्लाको शैल्यशिखर नगरपालिका–२ का वडा सचिव खेमराज कपाडी मृत अवस्थामा फेला परेका हुन्। २८ वर्षीय कपाडी बैतडीको दोगडाकेदार गाउँपालिका–५ सल्सेनामा मृत फेला परेको प्रहरीले जनाएको छ।

आइतबार बिहान तालिमका लागि मोटरसाइकलमा डडेल्धुरा हिँडेका कपाडीको शव आज सडकबाट दुई सय मिटर र मोटरसाइकल एक सय ५० मिटर तल फेला परेको जिल्ला प्रहरी कार्यालय बैतडीले जनाएको छ। घटनाबारे थप अनुसन्धान भइरहेको प्रहरीले जनाएको छ।