‘हरियाली धनगढी’ अभियानमा साथ दिए धनगढीका चन्द र भण्डारीले
धनगढीः धनगढी उपमहानगरपालिकाले अघि सारेको दोस्रो चरणको ‘हरियाली धनगढी’ अभियानमा सहभागिता जनाउँदै बैतडी हटैराजका अनि चन्द र जमुना चन्दले आफ्ना छोरा स्व.डम्मर चन्दकोे स्मृतिमा दुई वटा विरुवा बराबर १० हजार ५१ रुपैयाँ उपमहानगरपालिकाका नगर प्रमुख गोपाल हमाललाई हस्तान्तरण गरेका छन्।
यस्तै, धनगढी उपमहानगरपालिकाले अघि सारेको दोस्रो चरणको हरियाली धनगढी अभियानमा सहभागि हुँदै स्व.प्रेम बहादुर भण्डारीको स्मृतिमा धनगढी– ३ चौराहकि उनकि धर्मपत्नी लक्ष्मी देवी भण्डारी, भाई मानबहादुर भण्डारी र पुष्कर गुरुङले ३ वटा विरुवा बराबर १५ हजार रुपैयाँ नगरप्रमुख हमाललाई हस्तान्तरण गरेका छन्।
हरियाली प्रवद्र्धन गर्ने र धनगढीलाई पर्यावरणमैत्री बनाउने अभियानमा जनसमर्थन बढ्दै गएको छ। उपमहानगरपालिकाले यसका लागि हरियाली प्रवद्र्धन कोष नै स्थापना गरेर रकम जम्मा गर्न ४१७०१००३०५०१०००२ नम्बरको खाता नै सार्वजनिक गरेको छ।
