’सिक्रेट्स अफ राधा’ ले उचाल्यो उत्कृष्ट चलचित्रको अवार्ड

सुवर्ण थापा निर्देशित ’द सिक्रेट्स अफ राधा’ले ’नेपाल–अमेरिका अन्तर्राष्ट्रिय चलचित्र महोत्सव’को उत्कृष्ट फिचर कथानक फिल्मको अवार्ड जितेको छ।

सुजित बिडारीको निर्देशनमा बनेको ’ऐना झ्लायको पुतली’ र पाकिस्तानको ’जोयल्याण्ड’ले भने मानार्थ पुरस्कार प्राप्त गरेको छ। उत्कृष्ट लघु कथानक फिल्म पुरस्कार सन्तोष दाहालको ’द मिराज’ले जित्दा सूर्य शाही निर्देशित ’ह्विल्स अन द बस’ले मानार्थको पुरस्कार पाएको छ।

त्यस्तै, महोत्सवमा उत्कृष्ट फिचर वृत्तचित्र ’पियोना म्यान’ र ’पासाङ ः द स्याडो अफ एभरेस्ट’ले प्राप्त गरेको छ भने सचिन घिमिरे निर्देशित वृत्तचित्र ’इन्टू द मिस्ट’ले मानार्थ पुरस्कार जितेको छ। वृत्तचित्र विधातर्फ उत्कृष्ट वृत्तचित्रको पुरस्कार श्रीष कुँवरको निर्देशनमा बनेको ’मेरो बुबा’ले प्राप्त गरेको छ भने भारतका मिधुनजी बाबुको ’डु डक्स माइग्रेसन’ले मानार्थ जितेको छ। महोत्सवले प्रदान गर्ने ’इम्पावरमेन्ट अवार्ड’ अस्कर मनोनीत ’कमिङ आउट विथ द हेल्प अफ टाइम मेसिन’ले प्राप्त ग¥यो। ’फ्रिडम अफ एक्सप्रेसन अवार्ड’ भने ’ह्वेर द विण्डो डाइ’ले पायो। अमेरिकाका निना स्टाइक, रेबेका बुस्तमान्ते र इरानका फरिद बोजमेरले निर्णायक टोलीले ११ देशका ३७ फिल्ममध्येबाट पुरस्कृत फिल्म छनौट गरेको हो।

महोत्सवका फिल्महरू एएफआई सिल्भर थियटर र ८० वर्षदेखि सञ्चालनमा रहेको वर्ल्ड ग्रिनबेल्ट थियटरमा प्रदर्शन गरिएको थियो। महोत्सवले नेपाली संस्कृतिलाई संसारभर पु¥याउँदै विविधता र समावेशिताको प्रवर्द्धनमा टेवा पु¥याएको ’नेपाल–अमेरिका चलचित्र समाज’का अध्यक्ष पूर्णसिंह बराइलीले बताए। उक्त महोत्सवका निर्देशक युवाकार राज राजकर्णिकार हुन्।