महालक्ष्मी विकास बेंकको मेरिट छात्रवृत्ति पुरस्कार हिरा कुमारीलाई
धनगढीः सामाजिक उत्तरदायित्व अन्र्तगत महालक्ष्मी विकास बैंक शाखा कार्यलय धनगढीले छात्रवृत्तिको पु्रस्कार प्रदान गरेको छ।
बैंकका पुर्व अध्ययक्ष नवराजबहादुर सिंहको सम्झनामा स्थापित ‘ स्वर्गीय श्री नवराजबहादुर सिंह महालक्ष्मी मेरिट छात्रवृत्ति’ दोस्रो वर्षको पुरस्कार आज( शुक्रबार) एक कार्यक्रमका बिच प्रदान गरिएको हो। बैंकले त्रिनगर माध्यमिक विद्यालमा कक्षा नौँ मा अध्यनरत मेहनेती , उत्कृष्ट, जेहनदा तर आर्थीक अवस्था कमजोर भएकी छात्रा हिराकुमारी जोशीलाई ५० हजार छात्रवृत्ति प्रदान गरेको हो।
बैंकले गत वर्ष पनि सोहि छात्रालाई छात्रवृत्ति दिएको थियो। शुक्रबार धनगढी शाखाका प्रबन्धक झंकरबहादुर कडायत र सोहि बैंकका सुदुरपश्चिम प्रदेशका प्रमुख सुनिलकुमार नेपालले संयुक्त रुपमा चेक हस्तान्तरण गरेका हुन्। कार्यक्रमका सभापति महालक्ष्मी विकास बैंक धनगढी शाखाका प्रबन्धक झंकरबहादुर कडायत र प्रमुख अतिथी सोहि बैंकका सुदुरपश्चिम प्रदेशका प्रमुख सुनिलकुमार नेपाल रहेका थिए।
कार्यक्रममा बैंकका कर्मचारी, शिक्षक, विद्यालय व्यवस्थापन समितिका पदाधिकारी, अविभावक लगाएत विद्यार्थीहरुको सहभागिता थियो।
