बैतडीको गलिनाथ माविलाई निर्माण व्यवसायी बिष्टद्वारा ४ लाख सहयोग 

धनगढी: निर्माण व्यवसायी अम्मरबहादुर बिष्टले बैतडीको पुरचौंडी नगरपालिका वडा नम्बर ७ मा रहेको गलिनाथ माध्यमिक विद्यालयलाई आर्थिक सहयोग गरेका छन्।

जगदम्बा बिल्डर्स प्रालिका प्रबन्ध निर्देशक बिष्टले विद्यालयलाई ४ लाख सहयोग गरेको विद्यालय व्यवस्थापन समितिका अध्यक्ष कृष्णप्रसाद बडूले बताए। विद्यालयमा फर्निचर खरिदका लागि व्यवसायी बिष्टले आर्थिक सहयोग गरेका हुन्।