एक डोज मात्र लगाए पुग्ने जोन्सनको २१ लाखभन्दा बढी खोप नेपाल ल्याइयो

काठमाडौं: बिहीबार  ७ लाख १९ हजार ६ सय ५० डोज जोन्सन खोप नेपाल आइपुगेको छ। २१ लाख ७६ हजार ७ सय ५० डोज जोन्सन एन्ड जोन्सन खोपमध्ये पहिलो खोप नेपाल आइपुगेको हो।  

स्वास्थ्य सेवा विभाग, व्यवस्थापन महाशाखाका वरिष्ठ फार्मेसी अधिकृत बडेबाबु थापाका अनुसार बिहीबार बिहान ९:१५ बजे खोप नेपाल आइपुगेको हो। त्यसैगरी बाँकी खोप भोलि आउने उनले बताए।  

यसअघि अमेरिकाले कोभ्याक्स मार्फत करिब १६ लाख डोज जोन्सन खोप नेपाललाई उपलब्ध गराएको थियो। जोन्सन एन्ड जोन्सनको खोप एक डोज मात्र लगाए पुग्छ। अन्य खोप भने दुई डोज लगाउनु पर्छ।