अछाममा माछा मार्दै गरेका युवकको करेन्ट लागेर मृत्य

धनगढी : अछाममा माछा मार्दै गरेका एक युवकको करेन्ट लागेर मृत्यु भएको छ । 

जिल्लाको काशीगाड खोलामा माछा मारिरहेका मेल्लेख गाउँपालिका -३ दर्वाका २५ वर्षीय खेम बुढाको विजुलीको तारबाट करेन्ट लागेर मृत्यु भएको प्रहरीले बताएको छ ।  

त्यस्तै माछा मार्नका लागि विजुलीको तार बिछ्याएका सोही ठाउँका धिरेन्द्र शाहलाई पक्राउ गरी आवश्यक अनुसन्धान गरिरहेको प्रहरीले जनाएको छ ।