भारत सरकारको घोषणा: ८० करोडलाई तीन महिनासम्म निःशुल्क दालचामल दिन्छौ

भारत सरकारले ८० करोड  बासिन्दालाई आगामी तीन महिनासम्म निःशुल्क चामल, गहुँ र दाल दिने भएको छ।

प्रधानमन्त्री गरीब कल्याण योजनाअन्तर्गत भारतका ८० करोडलाई निःशुल्क खाद्यान्न उपलब्ध गराउने घोषणा गरेको हो। पाँच किलो चामल वा गहुँमध्ये एक र एक किलो दाल भारत सरकारले तीन महिनासम्म निशुल्क दिने भएको हो।

त्यस्तै, भारत सरकारले ८ करोड ६९ लाख किसानका लागि अप्रिल पहिलो हप्ता दुई हजार रुपैयाँ दिने घोषणा पनि गरेको छ।

बढ्दो संक्रमणका कारण भारतका प्रधानमन्त्री नरेन्द्र मोदीले  तीन सातासम्म लकडाउनको घोषणा गरेका छन्।