टीकापुरका २ जना लागूऔषधसहित पक्राउ
२०८२ चैत्र ९, ०९:०७
धनगढीः कैलालीको टीकापुरका २ जना लागूऔषधसहित पक्राउ परेका छन्।
टीकापुर नगरपालिका–९ बाट लागूऔषध खैरो हिरोईन २ ग्राम ४०० मिलिग्रामसहित २ जनालाई आईतवार साँझ प्रहरीले पक्राउ गरेको हो। पक्राउ पर्नेमा सोही नगरपालिका १ बस्ने ३० वर्षीय सागर रावल र १९ वर्षीय जिबन कुवँर रहेका छन्।
इलाका प्रहरी कार्यालय टीकापुर र प्रहरी चौकी सत्ति, कैलालीबाट संयुक्त रुपमा खटिएको प्रहरी टोलीले सुदूरपश्चिम प्रदेश ०१–००८ प ८४७७ नम्बरको मोटरसाइकलमा सवार उनीहरूलाई चेकजाँच गर्दा उक्त पदार्थ फेला पारि उक्त पदार्थ, मोटरसाइकलसहित दुवै जनालाई पक्राउ गरेको जनाएको छ।
कमेन्ट लोड गर्नुस