दिनेश एफएमका पूर्व कार्यक्रम प्रस्तोता शाहीको मेरी जुनलाई सार्वजनिक

धनगढी : कैलालीको धनगढीबाट प्रसारणमा रहेको दिनेश एफएमका पूर्व कार्यक्रम प्रस्तोता दिपेन्द्र शाहीले गीत सार्वजनिक गरेका छन्। शान्ति श्री परियार र शाहीको आवाजमा रहेको मेरी जुनलाई बोलको लोक दोहोरी गीत सार्वजनिक भएको छ। मेचीकाली म्युजिक युटुबबाट गीत सार्वजनिक भएको हो। गीतको लय र सँगीत रुपेश सिंह बोहराको हो।

बबीता चन्दको लगानीमा तयार भएको गीतको भिडिओमा विक्रम चौहानले निर्देशन गरेका छन। गीतको भिडिओमा पुष्प खड्का र गीता ढुङ्गा लगायतको नृत्य रहेको छ। शाही दिनेश एफएम, धनगढीमा लोक दोहोरी सम्बन्धी कार्यक्रम चलाउदै आएका थिए। उनी शिक्षक पेशामा आबद्ध छन्।