धनगढीमा मोटरसाइकल विङ्गरमा ठोकिदा एक जनाको मृत्यु

धनगढी : कैलालीको धनगढीमा मोटरसाइकल विङ्गरमा ठोकिदा एक जनाको मृत्यु भएको छ। मोहनापुल–अत्तरिया ६ लेन सडकको त्रिभुवन चोक नजिक बुधवार बिहान कैलालीको चुरे गाउँपालिका–१ का ३० वर्षीय बालकृष्ण कडेलको मोटरसाइकल विङ्गरमा ठोकिएको हो।

जिल्ला प्रहरी कार्यालय कैलालीले त्रिभुवन चोकमा बा ०६–००४ प १६७७ नम्बरको मोटरसाइकल भे १ ज १३२६ नम्बरको विङ्गरसँग ठोकिएको बताएको छ। गोदावरी नगरपालिका– ३ का २८ वर्षीय धर्मराज भटराईको से ६ प ८७७७ नम्बरको स्कुटरसँग ठोकिएको मोटरसाइकल अनियन्त्रित भएर विङ्गरमा ठोकिएको कैलाली प्रहरीले बताएको छ।

मोटरसाइकलमा सवार कडेलको धनगढीस्थित माया मेट्रो अस्पतालमा मृत्यु भएको हो। सेती प्रादेशिक अस्पतालको शव गृहमा उनको शव राखिएको छ।