सुदूरपश्चिमले दियो १८४ रनको लक्ष्य

काठमाडौं : यू–१९ पुरुष राष्ट्रिय क्रिकेट प्रतियोगितामा सुदूरपश्चिम प्रदेशले कोशीलाई १८४ रनको लक्ष्य दिएको छ।

मेरीलेबोन विराटनगर ज्वाला क्रिकेट मैदानमा जारी खेलमा सुदूरपश्चिम ४७.४ ओभरमा १८३ रनमा अलआउट भएको हो । सुदूरपश्चिमका लागि युवराज खत्रीले ४४ र अभिषेक थापाले ३७ रन बनाए।

कोशीका लागि सौजन घिमिरेले ४, बिपिन महत्तोले २ तथा आशिष मगर, प्रेम कामत र कृतिक कामतले १–१ विकेट लिए। टस जितेर सुदूरपश्चिमले पहिले ब्याटिङ रोजेको हो।