पाकिस्तानका मोहसिन जनकपुर बोल्ट्समा अनुबन्धित

काठमाडौँः नेपाल प्रिमियर लिग (एनपीएल)मा जनकपुर बोल्टसले पाकिस्तानका बलिङ अलराउन्डर मोहमद मोहसिनलाई भित्र्याएको छ।

२८ बर्षिय मोहसिनलाई एनपीएलका लागि भित्र्याएको जनकपुरले जानकारी दिएको छ। जनकपुरले भित्र्याएका मोहसिङ तेस्रो विदेशी खेलाडी हुन्। यसअघि जनकपुरले न्यूजील्याण्डका जिम्मी निशाम र अमेरिकाका जोसुआ ट्रोम्पलाई अनुबन्ध गरेको थियो।

जनकपुरको मार्की खेलाडीमा राष्ट्रिय टिमका आसिफ सेख रहेका छन्। आगामी मङ्सिर १५ देखि पुस ६ सम्म आयोजना हुने एनपीएलमा विदेशी खेलाडी भित्र्याउनेक्रम जारी रहेको छ। हालसम्म विभिन्न टीममा १९ जना विदेशी खेलाडी जोडिएका छन्।