‘डिग्री माइला’ नयाँ सम्पादनसहित सिनेमाघर एपमा

काठमाडौँः केही महिना अगाडि प्रदर्शनमा आएको फिल्म ‘डिग्री माइला’ डिजिटल प्लेटफर्म ‘सिनेमाघर’ एपमा आएको छ।

फिल्म पुनः सम्पादनसहित एपमा ल्याइएको हो। विश्वभरका दर्शकहरूलाई लक्षित गरी सिनेमाघर एपमा फिल्म ल्याइएको निर्माण युनिटले जनाएको छ। रामबाबु गुरुङ निर्देशित फिल्ममा दयाहाङ राई, आँचल शर्मा, बुद्धि तामाङ लगायतको अभिनय रहेको छ।

‘डिग्री माइला’को कथ्य शैलीलाई नयाँ स्वरूपमा प्रस्तुत गरिएको छ, जसले हलमा हेरिसकेका दर्शकहरूलाई समेत फरक अनुभव दिने अपेक्षा गरिएको छ। निर्देशक रामबाबु गुरुङले हल रिलिज हुँदा दर्शकहरूबाट प्राप्त चलचित्र केही सुस्त गतिमा रहेको भन्ने प्रतिक्रियालाई आधार मानी पुनः सम्पादन एपमा ल्याइएको बताए।