कैलालीसहित देशभर पाँच जिल्लामा हैजा फैलियो

काठमाडौँः कैलालीसहित देशभर पाँच जिल्लामा हैजा फैलिएको छ।

कैलाली, ललितपुर, काठमाडौँ, प्युठान र रुपन्देहीमा हैजा फैलिएको हो। देशभर ४७ जनामा हैजा सङ्क्रमण पुष्टि भएको इपिडिमियोलोजी तथा रोग नियन्त्रण महाशाखा ईडीसीडीले जनाएको छ।

ललितपुरमा ३४ जना, कैलालीमा ८, काठमाडौँमा २, प्युठानमा २ र रुपन्देहीका १ जनालाई हैजा सङ्क्रमण पुष्टि भएको ईडीसीडीले जनाएको छ। हैजा फोहर पानी तथा सरसफाइमा ध्यान नदिनाले हुने भएकाले सरसफाइमा विशेष ध्यान दिन रोग नियन्त्रण महाशाखाले सबैमा अनुरोध गरेको छ।