चलचित्र ‘अगस्त्यः च्याप्टर १’ को टिजर सार्वजनिक

काठमाडौँः चलचित्र ‘अगस्त्यः च्याप्टर १’ को टिजर सार्वजनिक भएको छ। मुख्य अभिनेता सौगात मल्ल वरिपरि घुमेको टिजर दमदार छ।

सौगात यस फिल्ममा एक्सन अवतारमा देखिएका छन्। प्रेमीहुँदै सडकछाप र ग्याङस्टारसम्मको उनको बहुआयामिक भूमिका टिजरमा देख्न सकिन्छ। निश्चल, नाजिर हुसेनदेखि मलिका महतले पनि टिजरमा स्थान पाएका छन्।

डार्क हर्स इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार भएको यस फिल्ममा प्रकाश मल्ल, अनिष तामाङ र विनोद पौडेलको लगानी छ। यस फिल्ममा प्रमोद अग्रहरी, विजय बराल, रवीन्द्र झाको पनि अभिनय रहेको छ। फिल्मका कार्यकारी निर्माता विश्व गौचन र अभिषेक चौधरी हुन्। सौरभ चौधरीको लेखन र निर्देशन रहेको यो फिल्म आगामी फागुनको १८ गतेबाट रिलिज हुँदैछ।