बाघको आक्रमणबाट महिलाको मृत्यु

बर्दिया : बर्दियामा बाघको आक्रमणबाट एक महिलाको मृत्यु भएको छ। राजापुर नगरपालिका–१० सुकुम्वासी टोलकी २५ वर्षीय ममता सुनारको आइतवार दिउँसो मृत्यु भएको हो।

बाघले आक्रमण गर्दा सख्तघाईते भएकी महिलालाई उपचारको लागि बर्दिया अस्पताल लैजाँदा लैजाँदै बाटोमा मृत्यु भएको डिभिजन वन कार्यालयका सूचना अधिकारी द्रोणराज शर्माले बताए।

आइतवार साढे १२ बजे नेपाल भारत सीमावर्ती जङ्गलमा घाँस काट्न गएको बेला महिलालाई बाघले आक्रमण गरेको हो।