रेखाको चलचित्र ‘उपहार’ माघ २६ मा प्रदर्शन हुने

काठमाडौँः  अभिनेत्री रेखा थापाको निर्माण अभिनय रहेको फिल्म ‘उपहार’ माघ २६ गते प्रदर्शन हुने भएको छ। यस अगाडि नयाँ वर्ष रिलिज मिति भनिएको फिल्म अहिले माघमा सारिएको हो। फिल्मको रिलिज मिति माघमा फिक्स भएको निर्देशक ज्ञानेन्द्र देउजाले बताए।

छिट्टै एक पोष्टर सहित माघ २६ लाई रिलिज मितिको रुपमा सार्वजनिक गर्छौ’ निर्देशक देउजाले भने। अब यो फिल्म ‘हात्तीछाप’सँग भिड्ने छ। किरण नेपालीको प्रस्तुतिमा तयार भएको फिल्म ’हात्तीछाप’ले यसअघिनै पोस्टर जारी गरेर माघ २६ लाई प्रदर्शन मिति तय गरेको थियो।

फिल्ममा रेखा थापा, पूजा शर्मा र बेनिशा हमाल मुख्य भूमिकामा रहेको फिल्ममा मुकुन भुषाल, तेज गिरी र मिष्टर नेपाल समर्पण जंग थापाको पनि मुख्य भूमिका छ।