डोटीमा घर भत्किएर एक महिलाको मृत्यु

डोटीः डोटीमा घर भत्किएर एक महिलाको मृत्यु भएको छ।

जिल्लाको दीपायल–सिलगढी नगरपालिका–५ गैरा गाउँमा घर भत्किएर स्थानीय शंकर मलासीको ३० वर्षीया श्रीमती गंगा मलासीको आज बिहान मृत्यु भएको हो। गंगा मलासी सुत्ने कोठाको बल्लीहरु भाँच्चिएर घर भत्किएको थियो।

प्रहरी र स्थानीयको सहयोगमा गंगालाई मृत अवस्थामा उद्धार गरिएको छ। यस विषयमा थप अनुसन्धान भइरहेको प्रहरीले जनाएको छ।