धनगढीको ६ लेन सडकका बिरुवा चोरी हुने क्रम रोकिएन
![](https://dineshkhabar.com/sites/default/files/styles/row_list/public/field/image/338179049_944599286576717_7385272154116037005_n.jpg?itok=_Mi_Cfkt)
धनगढीः धनगढीको ६ लेन सडकका बिरुवा चोरी हुने क्रम अझै रोकिएको छैन।
मोहनापुल–अत्तरिया ६ लेन सडकका मेडियनमा उपमहानगरल रोपेका बिरुवा चोरी हुने क्रम नरोकिएको हो। यस अघि दुई पटक गरेर १९ बिरुवा चोरी भएको ६ लेन सडकबाट मङ्गलवार राति थप सात वटा बिरुवा चोरी भएको नगरप्रमुख गोपाल हमालको सचिवालयले जनाएको छ।
कैलाली भन्सारदेखि गेटा विमानस्थल जाने सडकसम्म ६ लेन सडकको मिडियनमा विभिन्न जातका ३ हजार ९० बिरूवाहरू धनगढी उपमहानगरपालिकाद्वारा र विमानस्थल जाने सडकदेखि गोदावरी नगरपालिकाको सिमानासम्म सूर्य नेपाल प्रालिको सहयोगमा ४१५ बिरुवासहित ३ हजार ५०५ बिरूवा रोप्ने कार्य सम्पन्न भएको थियो।
तर, मङ्गलवार राति धनगढी उपमहानगरपालिका ६ लेन सडक खण्डको नेसनल चोकदेखि कैलाली भन्सार जाने बाटोसम्मको सडक खण्डबाट थप ७ वटा बिरुवा चोरी भएको नगरप्रमुखको सचिवालयले जनाएको छ।
![nast](https://dineshkhabar.com/sites/default/files/GIF_20240817_081752_058.gif)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)
![zeroo (add)](https://dineshkhabar.com/sites/default/files/456423139_541782204985733_4411965831574763754_n.jpg)